AF268: 56v

muqābeleye qarīb geldüklerinde Anaṭolı ve Qaramān ve sāyir ʿasker dönüb qapu qulı üzre dökilmekle daḫı tefriqa düşüb anlara daḫı // tefriqa düşüb alaylar yėrlü yėrinden ayrılub biri birine giricek girmekle aʿdā dūd‑i cehennem gibi ṣaḥrāya qaplayub ʿasker‑i islāma maḥlūṭ [!] // olduqda her kes geçidden ordu‑yi hümāyūn ṭarafına geçmege cān atub ol maʿrekede bir qaç nefer yeñiçeri ve sāyir ʿaskerden vaʿdesi // gelenler şerbet‑i şehādet nūş ėdüb aʿdā bu vech‑ile hücūm ėdüb ve ʿumūmen ʿasker rū‑gerdān olmaġla vüzerā vü begler begiler ve sāyir // ümerā berü yaqaya geçüb tekrār üslūb‑i sābıq [?] üzre alaylar düzmege alay bayraqlar gelüb ėrişince zemān olmayub aʿdā ṭopların // ve tüfenglü piyādesin ve atlusın bī‑direnk ʿasker‑i islāmuñ ʿaqabınca geçürüb ve bir mükemmel atlu alayın öte yaqada qoyub daḫı // bir ān durmayub ʿasker‑i islām üzerine ṭopların ataraq ve tüfenglerin ṣaḥrāda büriyüb [?] ʿasker‑i islāmda ne ṭob ve ne // żarbuzan ve ne tüfeng atar bir piyāde meydānda olmamaġla küffār ziyāde şīr‑gīr olub ne ḥāl ise çār u nā‑çār meydānda // mevcūd bulınan ġuzāt elleşmede ve muḥāṣamada [!] taqṣīrāt eylemeyüb ve Rūm ėli begler begisi Ḥasan Paşa ḥażretlerine Rūm ėli ġāzīleriyle muḥārebeye henūz nevbet dögüp ol daḫı ṣol qoldan ordu‑yi hümāyūna muttaṣıl maḥallde [?] küffār‑i ḥāksāruñ [!] defʿine // hücūm eyledükde anda daḫı ṭob ve tüfeng bulunmamaġla ehl‑i nāruñ āteşine muqāvemete ṭāqat getürmeyüb gėrüye ʿavdet ėdüb // ve muqābelede olan ʿasker daḫı ordu‑yi hümāyūn semtinde [?] olanlar çadırlara dāḫil ve meydānda olanlara düşmen ṭobla ḥavāle // ve ordu‑yi hümāyūna girmelerine ḥāyil olub nehr‑i Tīsa ṭarafına ṣaḥrāya perīşān ėtdürüb aʿdādur muqābelelerinde ṭob ve tüfeng olduġın taḥqīq bildükden ṣoñra ordu‑yi hümāyūnı ḥālī ẓann ėdüb furṣat bizümdür dėyü ṭopların meydānda bıraġup // ʿumūmen piyādesi ḥayme [!] vü ḥargāhı [!] yaqaraq ordu‑yi hümāyūna girüb ve kimi şāh [...] ṭoġru dergāh‑i pādişāhīye // qaṣd ve yüriş ėdüb mest ü maġrūr meydān‑i dīvān‑i hümāyūna qarīb varub bayraqlar diküb dest‑i taʿarruża ve teṭāvüle // ümīd var iken pādişāh velīyü llāh ʿaskerüñ bu vech‑ile rū‑gerdān u perīşānluġın ve aʿdānuñ hücūmın maʿlūm ėdicek // vezīr‑i ṣāḥib‑i şimşīr ve müşīr‑i bī‑naẓīr olan Ciġala‑zāde Sinān Paşa ḥażretlerine ṣadāret‑i ʿuẓmā imāretin tevfīż [?] buyurub ve ẕāt‑i // feraḥ fāl u ḫuceste ṣıfātları maqarr‑i ṣāḥib‑qırānīde s̱ābit qadem ve şīr‑i dilīr [?] gibi qarār u pāy‑dār olub eline tīr ü kemānın // ve miyān‑i ẓafer‑nişānına şimşīr‑i ḫūn‑āşāmın alub quşanub ve rūy‑i teyyārın dergāh‑i cenāb‑i kār‑sāz ve dest‑i tażarruʿı bārgāhında [...] [?] // ṭutub tażarruʿ ve münācāt ėdüp ḥażret‑i Ḥabīb‑i ekrem ṣallā llāhu taʿālā ʿaleyhi ve‑sellem ḥażretlerinüñ mübārek ḥırqa‑i [!] şerīflerine // ve ʿalem‑i nuṣret‑qarīnlerine vech‑i şerīfine sürüb fevz‑i nuṣrete şefīʿ ü vesīle ėdinüb ve çehār yār‑i güzīn rıżvānu llāhu taʿālā ʿaleyhüm // ecmaʿīn ḥażretlerinüñ ervāḥ‑i şerīflerinden istimdād ėdüb ḥikmet‑i bārī ol sāʿate gelince ricāl‑i ġayb küffār‑i ḥāksāruñ [!] // fenālarında olub ol ānda duʿā‑yi pādişāhī icābete qarīn ve ʿināyet‑i bārī muʿīn ve sulṭān‑i enbiyā ʿaleyhi ṣ‑ṣalāt ve‑s‑selāmuñ // muʿcizāt‑i kes̱īretü l‑berekātı rehīn olub ricāl‑i ġayb vü cünūd‑i lā‑reyb‑i pādişāh‑i dil‑āgāhumuzuñ bārgāhında ve yemīn ü yesārından // ẓāhir olub aʿdā‑yi dīn‑i dem‑beste vü qavī mülāḥaẓa eyledükleri dest ü pāları şikeste olub bi‑fażli llāhi taʿālā rū‑gerdān // ve rūy‑i siyāhları üzre üftān u ḫīzān [!] girīzān olub ḥayme [!] deryāsına düşmekle vālih ü ḫayrān olub ve qanda çıġub gireceklerin